Emakotapeni adliwa kakhulu asesemasha ngendlela yendalo yawo kepha angentiwa kutsi akhokhe oyili kanye ne pulp. Ngemnyaka wa 2018, umkhicito wemakotapeni ase Ningizimu Afrika wawuhambela kumathani latinkhulungwane letilikhulu nemashumi lasikhombisa, lapho khona ihhafu yawo (emathani latinkhulungwane letimashumi lasiphohlongo) ahanjiswa amikiswa eEurope nase UK. Lokungaba ngu 40% kwatsengiswa emakethe yasendzaweni kwatsi 10% wakhiwa waba ngu oyili lowakhiwe ngemakotapeni kanye ne purée.
Oyili Wema Kotapeni
Lolokwetfwele oyili wemakotapeni kwesibili kuma olives futsi ngalesinye sikhatsi kukhulu.
Lenyama yemakotapeni lasavutsiwe singentiswa kutsi sikhicite oyili, oyili losefiwe, kanye na oyili lobandzako-locindzetelwe; loku kusetjentiswa kumatfusa ekugcobisa kanye nasetinfweni tekudla. Oyili wemakotapeni uyatfolakala njengentfo leyengitiwe phindze anganongwa, njenge galikhi noma lilamula. Ngaphandle kwekusetjentiswa kumasaladi kanye nasekunongeni, inendlela lephakeme ya 250°C lokwenta intfo lekahle yekutfosa kanye nekukloklisa.
Oyili wemakotapeni yindlela ye omega-3 yema esidi lanemafutsa, latfwele emafutsa ema esidi langacengwa kufana ne esidi ye oleic lengashisi futsi lete ne nemafutsa latsite engatini. Iphindze itfwale ichlorophyll lekungasiyo nje indlela ye magnesium kepha isita umtimba kutsi ukhokhe tintfo letisindzako.
Oyili wemakotapeni ngemavitamin lavutsiwe laphindze etfwale vitamin A, B1, B2 na D, amino acid ilecithin kantsi futsi inconyelwa tintfo tay ngenca yetigana letiphakeme ta vitamin E. ilungele sikhumba lesilimetwe lilanga, lesiyincelencele futsi ingasita kwelapha tinkinga tesikhumba kufana ne eczema kanye ne psoriasis.
Oyili wemakotapeni upakishwa ebhodleleni leliyingilasi kwentela kuyotsengiswa bese oyili wesicumbi uyatfolakala kumagcoma lamalitha lamakhulu lamabili nelishumi.
iPulp yeLikotapeni
Emakotapeni akhiwa kwentela kusungula iguacamole – lekusandvuku, noma sisefo selikotapeni. Umfutfo lophakeme lowakhiwe usetjentiselwa kukhokha ipulp, lapho khona muva lomkhicito uyapakishwa phindze womiswe ube yi ayisi ku 18°C longaphansi. iPulp leyentiwe iayisi inemphilo lendze lengefika kuminyaka lemibili phindze nemalanga lamashumi lamatsatfu efrigini ngemuva kwekuncibikiliswa. Ukhokha lelichwa ngekutsi ubeke ngaphandle busuku bonkhe kungekho efrigini.
iPulp yelikotapeni ingababente sinongo noma inongwe ngatamatisi, anyanisi, lilamula, icoriander kanye netinongo letifana napelepele. Umpakisho wekutsengiswa ufakwa emaplasitikini kanye nemikhicito lesicumbi lepakishwa emaplasitikini latikhwanyana letingaba ngu 3 kg. lokuningi kwekucenga emakotapeni kanye nemikhicito yema guacamole lasuka eNingizimu Afrika ngama Kosher kanye ne Halaal lenconyiwe.
Likotapeni Lelomisiwe Laba yi Ayisi
Emakotapeni lavutsiwe ayacatwa, akhokhwe tindumbu ese ayasikwa abetincetu noma tigadla. Letincetu talamakotapeni tibese tifakwa kuma esidi lahlanganisiwe iascorbic kanye ne citric ngaphambi kwekutsi omiswe ngekushesha ngalinye (individually quick frozen – IQF). Lomkhicito ubese ufakwa etikhwameni temaplasitiki.
Translated by Phindile Malotana